زيتون مخلل
طريقة التخليل
كيلوزيتون او اكتر وممكن تتضعفى الكميه براحتك زيتون اخضر وتغسليه كويس وتنقعيه فى مايه وتغيرى المايه صبح وليل لمده تلات ايام من اهم الحاجات انك تغيرى المايه دى كل يوم مرتين فى التلات ايام عشان الزيتون مايبقاش مر معاكى
بعدين
هتجيبى نص كيلو ليمون تقطعيهم على نصين هتعصرى نصهم مع مايه والنص الباقى من الليمون هتقطعيه حلقات بقشريه هاتجيبى كمان كيس ملح كبير خشن وهنحتاج نص كوب خل وفصين ثوم حسب الرغبه ولو عندك فلفل حامى او اخضر او شطه حسب الرغبه ونص كوب زيت اى نوع عادى ينفع
هاتى بقى برطمان يفضل زجاج للتخليل وحطى الزيتون طبقه ورشه من الملح والليمون القطع طبقه وكملى كل الكمية بنفس الطريقة لحد ما تخلص وحركى البرطمان وهزيه عشان ميكونش فيه هواء وبعدين ضيفى المايه مع الليمون المعصور والخل والتوم وفى الاخر حطى نص كوب من زيت وقشر اليمون المعصور على الوش عشان الزيتون يبقى لونه جميل وميسودش منك واقفلى البرطمان وبعد شهر هتاكلى منه لو هتسبيه اكتر بيفضل شهور وتبقى عملتى اجمل زيتون اخضر مخلل
وبالف هنا
No comments:
Post a Comment