طريقة عمل فطيره السبانخ

  طريقة عمل فطيره السبانخ

 المكونات والطريقة

السبانخ مليانه حديد ومفيدة ومعم اطفالنا مش بتحبها هنجرب نعملها بطريقة جديد

هنجيب كوبايه دقيق وشه ملح نص فنجان زيت زيتون او اى نوع زيت  ومعلقتين

 كبيرة زبدة ومعلقة خميرة فوريه وهنخلطهم مع بعض وكويس وهنجيب مايه دافيه

 للعجن ونعجنهم ونركنهم على جمب ونغطيها عشان العجينه ترتاح وتخمر 

 

هاتجيبى طاسه وحطى فيها معلقه كبيره زيت وحطى سبانخ طازه اوكيس سبانخ مجم

 

عادى مع فص ثوم مفروم وقلبيهم على النار كويس وقت قليل مع رشه ملح ورشه فلفل

 

 وبشره صغيره جوز الطيب وشيليهم من على النار وحطى عليهم جبنه اى نوع متاح

 عندك يكون مبشور

 هتجيبى العجينه وقسميها قطع وافرديها كويس بالنشابه وقطعيهم اشكال دواير مثلثات 

  وهتحطى معلقه من السبانخ وتقفليهم وهكذا لحد الكميه ماتخلص معاكى

 قفلى الاحرف بشوكه اضغطى بيها على العجينه بتقفل وادهنيهم ببيضه مع

شويه زعتر ناشف ورشه فلفل اسود وشويه زيت شغلى الفرن على درجه حراره

 180 لحد ماتاخد اللون الجميل وقدميه

بالف هنا

طريقة سويت تشيلى مع الفراخ

  سويت تشيلى مع الفراخ

المقاديروالطريقة 

هنعملها بقريقة سهله وبسيطه وجربى تعمليها هتحبيها

هتشترى صدر فرخه يعنى ممكن ربع كيلو فراخ بدون جلد وعظم  

تبلتها ملح وفلفل وبعدين هتجيبى معلقتين زبده شوحى فيهم الفرا

 

 على النار وشيلتها من الطاسه عشان نعمل الصوص فنفس الطاسه 

 هنعمل الصوص هنجيب معلقه بصل مبشوره ومعلقه كرفس وفصين مفرومين 

 هتشوحيهم كلهم فى معلقه كبيره زيت او زبده فنفس الطاسه اللى عملتى فيها

 الفراخ  وتكونى مجهزه معلقه شطه وكمان شويه شطه سايله حولى 

 فنجان صغير ومعلقه صغيره سكر بنى وكتشب وفنجان مايه وحطيهم فالطاسه

  وحطى الفراخ تكمل تسويه فى الصوص

  وقدمى معاها جنبها أرز ابيض ساده 

 وبالف هنا

طريقة عمل بسكويت السابليه

  بسكويت السابليه

المقادير والطريقه

نص كوب سكر ناعم //ربع كيلو زبده //بيضه// نص كيلو دقيق

بشر ليمونه//  معلقه فانليا // معلقه صغيرةبيكنج بودر 

الطريقة

هتضربى السكر مع الزبده والفانيليا بالمضرب لحد يبقى كريمى وبعدين نضيف البيضه مع الضرب ونضيف بعدين الدقيق 

مع البيكنج بودر وبشر اليمونه مع بعضهم على الخليط وتقلبيهم باليد مش بالمضرب لحد ما يتجانس مع بعض من غير عجن

بعدين بتشكيلى العجين وحطيه فى صنيه مش مدهونه اخبزيهم فى الفرن متوسط الحراره لمده عشر دقابق الى ربع ساعه 

وبعدين نلزقهم الاشكال مع بعضها بالمربى او الشكولاته ونقدمها  

بالف هنا

طريقة عمل اللحمة البارده

  طريقة عمل اللحمة البارده

المقادير والطريقة

 هنشترى عرق الفلتوولازم تطلبى من الجزار كده مش اى قطعه لحمه تنفع هتعملى

 فتحات صغيره بالسكينه عشان ياخد طعم من الداخل وتتدخل  كل التتبيله 

وبعدين ابشرى بصله متوسطه بنصفى ميتها باخد ميتها بس //ومعلقة صلصه //وملح

 وفلفل اسود 

 والبهارات اللى تحبيها حسب الرغبه وشه حبهان مطحون وخل 

  وبعدين تسبيها فى التتبيله يفضل يوم  كامل وممكن6 ساعات 

وبعد كده تصفيها من التتبيله هتجيبى فلفل اسود مطحون  وكزبره ناشفه وملح خشن 

وترشيهم على الرخامه وتلفى عرق اللحمه عليهم وبعدين وهاتى صنيه على النار

 عشان تسحن جامد وحطى اللحمه عشان تاخد صدمه وتحطفظ بالسوايل اللى فيها

   علشان ميته تكون جوه ما ينشفش منك يكون مشوى وحلو من بره وطرى من جوه 

 وبعدين تشيليه وتكونى مقطعه بصله كبيره جوليان حلقات يعنى وترفعى العرق منها   

وتشوحى فى نفس الصنيه البصل  وبعد كده تحطيه فى الصنيه وتحطى عليه كوب مايه

 وتغطيه بورق المونيوم كويس وتسويه 

 على نار هاديه وتذودى مايه حسب الاحتياج قليل قليل  لحد ما  تستوى وبعدين 

 طلعيه وسبيه يبرد شويه ساعه  قطعيه

//عمل الصوص //

هناخد البصل اللى مع العرق الفلتو وتحطى عليه معلقتين خل او صويا صوص

 ومعلقتين دقيق واقلبهم على النار لحد ما يتماسك وبعد ما يبرد حطيهم فى الخلاط

 واضربيهم هيبقى الصوص حاهز معاكى وتحطى العرق فى طبق التقديم وتحطى

 الصوص عليهم من فوق

ويمكن  تقدميه معخضار سوتيه او سلطه بطاطس محمره او رز ابيض 

بالف هنا

طريقة فطائر محشيه بالفراخ

  طريقة فطائر محشيه بالفراخ

 مقادير العجينه

نص كيلو دقيق

رشه ملح// معلقه  سكر // خميره فوريه معلقه كبيره

معلقتين كبيره زيت

نص علبه زبادى

 نص كيلو لبن دافى للعجينه مش كله ناقص مقدارعلبه الزبادى وحسب نوع الدقيق

مقادير الحشو

ربع كيلو فراخ  صدورمتقطعه شرائح رفيعه تبليها ملح وفلفل ومعلقه كبيره كارى او 

بهارات فراخ اللى متاح عندك  اعمليها 

على النار مع معلقه زبده فى طاسه مع بصله مفرومه وفلفله خضرا مقطع صغير او 

فلفل الوان ومعلقه كزبره خضرا مفرومه كده وسيبيها تبرد وكده الحشو جاهز معاكى

 

الطريقه

هنجيبى الدقيق وعليه الزيت والملح والسكر والخميره ونقلبهم كويس  وبعدين تضيفى 

الزبادى واللبن وتعجنى كويس  بايديكى عادى زى البيتزا كده  لحد العجينه تتلم كويس

 معاكى وتكون ناعمه وطريه  

بعدين سيبى العجينه متغطيه فمكان دافى  لحد ماترتاح وتخمر بعدين  هتقطعى العجينه 

قطع صغيره فى حجم مناسب يعنى حجم اليوسفى الصغير كده

وتفرديها دايره وبعدين تحطى الحشو وتقفليها دايره وتلفيها على ايديكى او على 

رخامه المطبخ بدون دقيق وترصى الفطاير فى صاج مدهون زيت او سمن وتسبيها  

ربع ساعه او اكتر لو شتاء كمان وبعدين هاتى صفاربيضه وتضربيهم بشويه اللبن 

صغيرين مع رشه فلفل اسود اودهنى بيهم وش الفطاير  

 ضيفى رشه سمسم او حبه البركه حسب الرغبه

 اتركيها قبل دخلوها الفرن لمده نص ساعه  كمان على درجه مناسبه للمخبوزات 

دخليها الفرن لحد مالونها يحمر وقدميها  ممكن تغيرى نوع الحشو لحمه خضار جبن 

براحتك المناسب معاكى احنا نديكى افكار وانتى ابدعى فالمطبخ

وبالهنا والشفا 

طريقة بودينج البرتقال

  بودينج البرتقال

المقادير والطريقة

بما ان البرتقال محصول شتوى وسعره مناسب ومفيد عشان البرد وغنى بفيتامين

هنعمل بودينج برتقال سهله عليكى ومفيده وتوفير فنفس الوقت  *c*  

هنعمل لتر عصير برتقال فريش وخدى بشر برتقاله كامله  

قشره البرتقال مبشور ودوبى فيهم ربع كوب من  

 مسحون بودره بطعم البرتقال دوبى كمان فيهم السكراو عسل نحل على 

حسب الرغبه  

 هتاخى كوبايه منهم بظبط ودوبى فيه معلقتين كبار نشا وسبيها  

على جنب 

حطى عصير البرتقال مع مسحوق البرتقال البودر مع بشر البرتقال والسكر  

على النار وكمان نص معلقه صغيره ماء ورد وبعد ما يغلى انزلى  

  عليهم بكوبايه البرتقال المدوب فيها النشا عشان يتقل معاكى وبعدين 

 هتحطيهم فى كاسات وتقدميهم وممكن تزينيهم بالكريمة او قطعة برتقال 

بالهنا والشفا

عصيركنتالوب بالحليب

عصيركنتالوب بالحليب

المقادير والطريقة

 كوب لبن حليب

نص ثمرةكنتالوب مقشره ومقطعه مكعبات

حسب الرغبه حطى ورقه نعناع فريش او ورق ريحان

للتجليه سكر او عسل نحل حسب الرغبه

رشه فانيليا

الطريقه

هتجيبى الخلاط هتضربى كل المكونات مع بعضها كويس جدا لحد تتخلطوتبقى عصير معاكى ونقدمها 

بالف هنا

طريقة عمل البسيمة

 طريقة عمل البسيمة

المقادير والطريقة

 كوب سكر // نصف كوب زيت //2بيضات // كوب دقيق 

فانيليا// علبة زبادي // كوب جوز هند// كوب سميد 

 ملعقه صغيره بيكنج بودر 

كوب ونصف سكر مع كوب ماء على النار لحد ما يغلى

وبعدين نحط عليهم عصرة نص ليمونة صغيرة

ونتركهم على النار حوالي ربع ساعه على نار متوسطة

 ونتركه على جنب لحد ما يبرد 

الطريقة

نولع الفرن على درجة حرارة 180 درجة

نحط البيض في الخلاط ونضربهم مع الفانيليا

وبعدين نحط عليهم السكر والزيت ونضربهم وبعدين نحطهم فى طبق كبير ونحط عليهم الزبادي ونقلبهم

و نخلط الدقيق المنخول وكمان السميد وكمان  جوز الهند و البيكنج بودر

ونضيفهم عليهم مع الخليط اللى ضربناهم فالخلاط ونقلبهم بملعقة خشب

نصب الخليط في صينيه مدهونة بالزيت او السمن 

وندخلها الفرن  لمدة نص ساعة او 40 دقيقةلحد ما تستوى ويتحمر الوجه

ولما تخرج من الفرن نسقيها بالشربات البارد  ونتركها تبرد تماما 

وبالف هنا

طريقة فطير عش النحل بالسكر والعسل

فطير عش النحل بالسكر والعسل

المقادير والطريقة

نص كيلو دقيق او 4كوب دقيق

 معلقه خميره فوريه//معلقه بيكنج بودر// معلقه صغيره ملح

معلقه كبيره سكر

سمسم حسب الرغبه //ربع كوب زيت

من كوب ونص لبن دافئ و ماءدفى

الطريقه

هنجيب طبق كبير للعجن هنحط الدقيق وبعدين هنحط الخميره والسكر والبيكنج بودر والملح والزيت واخلطيهم كويس  وبعدين نضيف اللبن والمايه لحد العجينه ماتتجانس معاكى وتكون لينه بعد كده هترك العجينه واغطيها  لمده نص ساعه عشان ترتاح وتخمر وبعد كده هتقسمى العجينه  قطع صغيره حجم الليمونه الكبيرة تلفيها كويس بايديكى وترصيها فى صينيه جنب بعضها وتسيبى مسافه لانها هتختمر معاكى هتسيبيها تريح تانى حوالى نص ساعه تدهنيها صفار بيض مع معلقتين لبن مع شويه فانيليا هتدهنيها بفرشه وترشى رشه سمسم على الوجه وتدخليها الفرن لحد ماتستوى معاكى هتطلعيها وتكونى محضره 

كوب سكر مع نص كوب مايه على النار مع معلقتين عسل نحل  ممكن معلقه صغيره ماء وردحسب الرغبه او حطى فانيليا وتسقى بيهم الفطائر 

الهنا والشفا  

طريقة عمل بسكوت مملح

 بسكوت مملح

المقادير والطريقة

كوبين دقيق اى نوع //ربع كوب زيت//معلقة سمنة//معلقة بيكنج بودر//

معلقتين لبن بودرة

معلقة ملح//مايه للعجن

 بيضةللعجين// وبيضه لدهن وش البسكوت 

الطريقة

هنجيب الخلاط هنجط كل السوايل الزيت والماية والسمنة واللبن البودرة والملح

 والبيضة ونضربهم كلهم كويس لحد ما اللون يكون فاتح زى الكريمه 

وبعدين هنضيف الدقيق مع البيكنج بودر عليهم ونعجنهم باليد لحد ماتتكون عجينة مش 

بتلزق ممكن نضيف كمون او حبه بركه فى العجينه حسب الرغبه  او نروشه على

 الوش

وبعدين نسيبه يرتاح فى التلاجة لمدة نص ساعة او ساعة كل ما يرتاح اكتر كل 

ما هيكون مقرمش اكتر وبعدين نجهز الصينيه او الصاج اللى هنخبز فيه

ونفرد العجينة على  كيس ونفردها بارتفاع نص سم ونحطها على ورق زبده فالصينيه

ونقطعها  الاشكال اللى تحبيها مربع مدور او اى شكل عندك بالقطاعه حسب الرغبة

 ونرصها فى الصينية ونخرمها بالشوكة 

عشان متكونش ارتفاعها عالى  وبعد كده نضرب صفاربيضه مع رشة لبن وندهن

 الوش بيها 

وممكن نروش ملح خشن او كمون مش مطحون او حبه بركه ينسون اللى تحبيه ومتاح

 عندك ينفع  على الوش وندخلهم الفرن على درجه حرارة متوسطة

وبالف هنا

طاجن مكرونه بالحمه

طاجن مكرونه بالحمه

 

المقادير والطريقة

مكرونه فرن //صلصه طماطم تو م وبصل مفرومين  //لحمه مفرومه 

جبنه موتزاريلا للوش//بهارات لحمه وفلفل اسود وملح//جوزة الطيب

الطريقة 

هنجيب حله ونسلق المكرونه ونصفيها كويس ونحطها على جنب  وبعدين نعمل العصاج وهنحط فالحله البصل مع فص التوم ونحط عليهم 

 اللحمه ونضيف عليهم البهارات والملح والفلفل وبشر جوز الطيب 

 حسب الرغبه نحط فلفل حار لو عاوزاها حراق ونفرمهم  وبعدين  نحط عصير الطماطم ونسيبهم يتسبك كويس  نخلط نصهم على المكرونه والنص التانى نحطهم على الوش نجيب طاجن او صنيه نحط الاول شويه زيت او زبده مش كتير نحط شوية مكرونة  وبخلط المكرونه الباقيه مع اللحمه ونحط العصاج على الوش والجبنه ف الاخر وندخلها الفرن لحد ماتاخد لون جميل 

وبالهنا والشفا

رز مكسيكى اسبايسى

رز مكسيكى  اسبايسى

المقادير والطريقة

بصل وتوم /// رز بسمتى /// زبده ///زيت 

صلصه ///شطه ///ملح وفلفل ///بابريك

الطريقة

 كوب رز باسمتى منقون نص ساعة  

هنجيب حله نحطها على النار فيها  معلقتين زبده وكمان اتنين معلقه  

زيت هتحطى  فص توم مفروم وبصله مفرومه صغيره 

  تقلبيهم كويس على النار واول ما اللون يبقى دهبى حطى صلصه معلقه كبيره 

وعصيرطماطم ربع كوب و بابريكا وكمان معلقه شطه بودره وبعدين هاتى   

كوب ونص مايه او كوب ونص مرقة و تبلى بملح وفلفل  

اول ما المايه تغلى معاكى حطى الرز على نار هاديه  جهزى  

 فلفل الوان مقطع لو متاح عندك مكعبات وبعد ما الرز  

يشترب المايه بتاعته حطى الفلفل عليهم وقلبيهم وتقدميه 

وبالهنا والشفا

طريقة عمل الفراخ الناجتس مثل المطاعم

  الفراخ الناجيتس فالفرن

الطريقة والمقادير

هنجيب صدور فراخ مخليه وهنجيب  كوب بقسماط مطحون 

 جبنه مبشوره  ملح وفلفل اسود نعناع جاف او ريحان جاف

 معلقه صغيره زعتر 

نصف كوب ذبده سايحه او سمن 

الطريقه

هنشغل الفرن على درجهحراره عاليه  قطعى صدور الدجاح قطع صغيره وفى

طبق كبير اخلطى الجبنه وكل التوابل الجافه مع بعض و البقسماط مع الزبده

لوحدهم خدى كل قطعه من صدور 

الفراخ فىالسمن او الزبده ثم خليط البقسمات وبعدين حطيها على صنيه 

ودخليها الفرن لمده تلت ساعه 

وبالهنا والشفا

صنيه بطاطس فالفرن بالفراخ

 صنيه بطاطس بالفراخ

المقادير والطريقة

هنجيب فرخه وزن كيلو ونص او اكبر حسب عدد الافراد

 كيلو بطاطس وبصله كبيره ورق لورى وحبهان واحده عشان مش يمرر معاكى 

 رشه بهارات فراخ  ملعقه كبيره صلصه ومعلقه توم مفروم زيت او سمن 

كيلو  طماطم ملح وفلفل اسود و فلفل حامى حسب الرغبه

الطريقه 

 هنقطع الفرخه على اربعه ونقطعى  البطاطس حلقات سميكه ونرصها فى الصنيه

 ونقطع البصل حلقات ونحطهم والتوم المفروم  ونقطع الطماطم شويه حلقات وشويه

 نعملهم عصير ونخلطهم مع الصلصه ونحط البهارات ونخلط كل الخضار مع

 التوابل ونرص الفرخه عليهم ونحط الطماطم المعصوره هى والصلصه عليهم ونرشه

 ملح وفلفل وورق اللورى والحبهان ومعلقه سمن او زيت على الوش 

 ونحطها فى الفرن على درجه حراره عاليه وبعد ما تستوى من تحت نشغل الشوايه عشان تاخد لون وتحمر الفراح ووش الصينيه وقدميها مع رز وسلطه

وبالهنا والشفا

فراخ روستو بس بتتبيله مختلفه

 فراخ روستو بس بتتبيله مختلفه

المقادير  والطريقه

هنجيب فرخه سليمه حوالى كيلو ونص هتقطعيها على نصين بالعظم او على اكتر من قطتين ممكن اربعه لو فرخه اصغر ممكن تقطعيها من الظهر وتسبيها مفروده وهى  كامله من غير تقطيع وتغسليها كويس بعد ما تنقعيها بالملح عشان الزفاره تروح

 تتبيله هتكون  

هنجيب الخلاط وحطى فيه بصله وطماطمايه فصين توم خل وليمون بهارات فراخ نص معلقه كبيره دبس رمان  وعصير برتقاله معلقه زعتر ومعلقه كمون صغيره وملعقه كزبره ناشفه وملح وفلفل اسود وورقتين لوره وواحد حبهان  ومعلقتين زيت

اضربيهم فالخلاط كويس لحد ما التتبيله تكون جاهزه معاكى هاتى طبق كبير وهاتى الفرخه وحطيها فى التتبيله من بدرى قبل التسويه كل ما تكون فالتتبيله اكتر الطعم يكون اجمل وغطى الطبق حطيها فالتلاجه وبعدين جهزى الخضار اللى تحبيه عشان يكون فرش فالصينيه تحت الفرخه وبياخد من طعم التتبيله ودسم الفرخه بيكون تحفه

هاتى صينيه قطعى فيها حبه طماطم وجزرو كوسه و بطاطس بصله و وعود كرفس وحطيهم ارضيه تحت الفراخ  وغطى الصينيه بورق المونيوم ودخليها الفرن على درجه حراره مناسبه وبعد ما تستوى شغلى الفرن من فوق وشيلى ورق المونيوم 

عشان تاخد لون جميل

وبالهنا والشفا 

طريقة عمل المايونيز

 طريقة المايونيز 

المقادير والطريقة

هنجيب المكونات البسيطه دى واكيد موجوده فى كل بيت ولما تعمليه فالبيت هتحسى

 انك ايد وفرتى عشان المكونات بسيطه والطلريقة سهله ومعانا مش هتتعبى وهنساعدك

 تعملى كل كاجه فالبيت اولا هتكون انضف وثانيه هتكون اوفر جربى فكميه قليله اول

 مرة تعمليها وبعدين زودى اى كميه براحتك وده المفروض فاى حاجه بتعمليها

 فالمطبخ اعملى اول مرة كميه قليلق وابطى مقاديرك وبعدين زودى براحتك

//المكونات // خل //ولبن // بيضه //وزيت //رشه فلفل اسود // سكر     

//الطريقة//

حطى البيض واضربيه كويس  وحطى رشة فلفل اسود وبعدين حطى  

عليه اللبن واضربهم كويس بالمضرب السلك لحد ما يكون هيكون عامل  

زى الكريمى حطيهم  الخلاط وحطى عليهم معلقة ونص 

  صغيره سكر ورشة ملح   

  وبعد كده افتحى الفاتحه اللى فى غطا الخلاط  من فوق وهو شغال انزلى 

بالزيت عليه ثرثورفيع براحه يعنى مش مره واحده لحد ما تلاقى المايونيز جاهزمعاكى

 خديه وحطيه فى برطمان زجاج واستخدميه ممكن يومين او تلاته فالتلاجه

وبالهنا والشفا