طريقة كارى دجاج سهله

طبخ رز بسمتى بالدجاج

او رز مصرى

تتبيله الفراخ بالكارى 

الطريقة والمكونات 

هتجيبى فرخه قطعيها على 8قطع بالعظم  او اجنحه فراخ ممكن تنفع عشان تعملى اكل حلو وفى نفس الوقت اقل تكلفه جهزى حله حجمها مناسب للكميه اللى هتعمليها سخنيها جدا حطى فيها قطعه زبده مع معلقتين زيت اى نوع  وبعد غسيل الفرخه ا و الاجنحه كويس هتشوحيها كويس لحد ماتاخد لون وتحطى ورق لوره اتنين حبه قرنفل وزيهم حبهان وتقلبيهم كويس جدا بعدين هتضيفى بصله صغيره مفرومه ومعلقه كركم صغيره ومعلقه كارى بودره  وبعدين هتحطى مايه  وملح وفلفل وتسيبى الفراخ فى المايه لحد ما تغلى بعدين هتبلى وشويه ثوم بودره و معلقتين كبيره زبيب لو متاح عندك بعدين هتحطى  كوبين ارز  مصرى او بسمتى وتقلبيهم كويس وتهدى النار لحد ما الارز يستوى يبقى رز بالكارى والكركم وتقدميه مع سلطه خضرا او سلطه طحينه والعيش كده تبقى عملتى احلى رز بسمتى بالدجاج او تشكن كارى

بالف هنا 

بسكويت بالشوكولاتة سهله

  عمل بسكويت الشوكولاتة 

مقادير وطريقة بسكويت بالكاكاو

ملعقة فانيليا//رشة ملح //كوب نص دقيق

ملعقة صغيرة بيكنج بودر//بيضه

نص كوب كاكاو خام// نص كوب زبدة//نص كوب سكر بودره

طريقة عمل الكريمة

كوب ونص سكر بودر// فانيليا//نص كوب زبدة

طريقه بسكويت مغطى بالشوكولاتة

هتجيبى الدقيق مع البيكنج بودر والملح والكاكا واضربى السكر مع الزبدة وبعدين ضيفى البيض والفانيليا ضيفى خليط البيض والزبدة على الدقيق وقلبى حتى تحصلى على عجينة لينه شكليها دوائر او اى شكل لو متاح عندك قطعات للبسكويت شغلى الفرن على نار متوسطة واخبزيها فى الفرن على درجة حرارة 180 اضربى بالمضرب الكهربى الزبدة مع السكر والفانيليا عشان تعملى  الكريمة إحشى البسكويت بعد لما يبرد بالكريمة وقدميه مع شاى ولبن على الفطار او وقت العصر لكل الاسرة

وبالهنا والشفا

تتبيله فراخ بانيه

تتبيله فراخ بانيه

المقادير والطريقه

 ملح فلفل اسود //مايه بصله //نص كيلو صدورمخليه  

ربع كوب لبن// بيضه //بقسمات مطحون

زيت او سمنه للقلى

تتبيله فراخ بانيه

هتجيبى شرائح الصدور و بطيها بمبط البفتيك  بس غطيها بكيس بلاستك وبططتيها خفيف بعدين فى طبق كبير  هتبل الفراخ بمايه البصل وملح وفلفل اسود هتسبيها فى التتبيله لمده  نص ساعه  بعدين باخدها من التتبيله وبصفيها كويس  من مايه البصل وبعدينفى نفس الطبق بكسر عليهم بيضه  واحط شويه اللبن واخلطها مع رشه ملح وفلفل واطلعها على البقسماط  ادخل الفراخ التلاجه  تشد قبل متقليها عشان مش يفك منك 

طريقة تانى 

بعد ما تاحدى الفراخ من مايه البصل تطلعيها فى دقيق وبعد منه على البيض واللبن وبعدين على التحمير

القلى هتجيبى طاسه فيها شويه زيت ونفس الكميه زبده او سمنه وبقليها على الجنبين لحد  تحمرو تاخد اللون الدهبى الجميل وممكن تقدميها مع مكرونه اسباجتى بالطماطم  اوبطاطس محمره و سلطه وعيش ودى انواع البانيه هتتطلع معاكى فراخ بانيه جاهزة

بالف هنا 

طريقة بطاطس بالبابريكا فى الفرن

  بطاطس بالبابريكا فى الفرن 

المقادير والطريقة

هنجيب كيلو بطاطس اغسليها كويس جدا  بالقشرة تقطعيها اصابع هنجيب معلقتين كبيره ثوم بودره ومعلقتين كبيره بابريكا ومعلقه شطه بودره صغيره حسب الرغبه هنجيب ربع كوب  زيت زره او عباد وملح وفلفل وتقلبيهم كويس جدا مع بعض ودخليهم الفرن لمده ساعة الا ربع  على درجه حراره 180 هنجيب كمان فنجان مايونيز وهتحطى عليه معلقه كبيره هوت صوص ومعلقه كبيره كاتشب ومعلقه صغيرة بابريكا وتخلطيهم مع بعض و تحطيهم فى بوله صغيرة وقدميها جنب البطاطس 

بالف هنا

طريقة عمل بطاطس دوشيس

 عمل بطاطس دوشيس 

المقادير والطريقة

  معلقه زبده //2 اصفر بيض //نص كيلو بطاطس //ملح وفلفل ابيض

 معلقه كبيره جبنه رومى مبشوره

ربع كوب كريمه لبانى

رشه جوزه الطيب 

الطريقه 

هتسلقى البطاطس كويس وتصفيها من المايه بعد السلق تسيبى البطاطس تبرد  ونحط الملح والفلفل وجوز الطيب والكريمه اللبانى

والجبنه رومى ونضربها كويس فى كبه  او بمضرب البيض الكهربائى  وبعدين هتجهزى كيس الحلوانى وتشكلى البطاطس فى صاج او صينيه مدهونه زيت قليل خالص وندخلها الفرن  على درجه حراره متوسطه لمده 10 دقايق لحد ماتاخد لون دهبى جميل 

وبالف هنا 

طريقة سلطة البطاطس المسلوقة

  سلطه بطاطس بالينسون

طريقة عمل سلطه بطاطس زى المطاعم

هاتى كام حبه بطاطس حسب الكميه اللى محتاجه تعمليه قشريهم تقطيعه مكعبات

 كبيره اسلقيهم فى مايه مع عصير ليمون ومعلقه صغيره ينسون طلعيهم و

 

 صفيها كويس بعد ما تستوى وسبيها تبرد

هتجيبى  معلقه كبيره نعناع فريش مفروم او ريحان فريش وهتجيبى معلقه بقدونس 

وكمان كزبره خضرا وفصين توم مفرومين ومعاهم  معلقه بصل مبشوره  

معلقه زيت زيتون او زيت زره  اى زيت متوفر عندك مع ملح وفلفل وكمون قلبيهم 

مع البطاطس ومعلقه شطه حسب الرغبه ممكن تضيفى مايونير 

او تضيفى زبادى وتستغنى عن الينسون فالسلق وتبقى سلطه بطاطس بالزبادى 

والسلطه دى بيكون ليه اكتر من اسم طريقة  سلطه البطاطس البارده اوطريقة سلطه

 البطاطس المكعبات

وبالهنا والشفا 

بطاطس مقلية بالفرن بدون زيت

  بطاطس بالبابريكا فى الفرن 

طريقة بطاطس مقرمشة بالفرن

هنشترى كيلو بطاطس اغسليهم كويس جدا  هنقطعهم اصابع هنجيب معلقه كبيره ثوم بودره و معلقتين كبيرة بابريكا ومعلقه شطه حسب الرغبه عشان الاطفال هنجيب كمان 3 ملاعق كبيره زيت زره  او عباد وملح وفلفل اسود ونقلبهم كويس جدا مع بعض وندخلهم الفرن لمده 45 دقيقه او ساعة حسب سخونة الفرن على درجه حراره 170  وممكن نضيف زعتر وتبقى بطاطس فى الفرن بالزعتر هنجيب كمان  شويه مايونيز وهتحطى عليهم معلقه كبيره هوت صوص لو عاوزه حراق ومعلقه كاتشب كبيره ومعلقه صغيره بابريكا وقدميها فى بوله صغيرة جمب البطاطس البطاطس دى تنفع للرجيم بطاطس بالفرن للرجيم وبتبقى بطاطس مقرمشة بالفرن والمهم فالاكله دى انها بطاطس مقليه بالفرن من غير زيت 

وبالهنا والشفا