بط محشي بالفريك
المقادير والطريقة
هنجيب بطة متوسطة الحجم
وكمان بصل مقطعة شرائح// وبصلة مبشورة //ملعقة كبيرة زبدة//ومعلقتين زيت
ونص كيلو فريك وطماطم مبشوره
ورق لورا و البهارات اللى تحبيها ويفضل ملح وفلفل فقط
بطاطس كوسه جزر بسله اى خضار حسب الرغبه
الطريقة
هنغسل الفريك كويس ننقعيه في المية لمدة ساعة
بعدين نصفيه من الميه وهنجيب حله حجمها مناسب للبطه
حطى الزبد والزيت في الحله على النار وحطى البصله المبشوره
وقلبيهم كويس وبعدين وضيفي عليهم الفريك وقلبيهم كويس مع
بعض لغاية ما لون الفريك يصفر و بعدين ضيفي الطماطم المبشورة
والملح والفلفل وشوحيهم مع بعض كلهم كويس على النار عشر
دقائق على نار هادئة وهاتى البطه وبعد ما تغسليها كويس بالملح
اشطفيها بالمايه احشي البطه بالفريك وبعدين هاتى حله فيها مايه
لحد ما تغلى حطى فيها البطه تتسلق وهاتى صينية فرن
وحطي فيها شرائح البصل وورق لورا والخضار حسب الرغبه
بطاطس مكعبات كوسه جزر مع البصل والملح والفلفل
وحطي فوقهم البطه المحشيه بالفريك بعد ما تسلقيها ورشي
على البطة الملح والفلفل وممكن تدهنيها بمعلقه صلصه ومايه
وضيفى كوباية مرقه من سلق البطه او وكوبايةمايه كبيرة
وغطيها بورق الالمونيوم
شغلى الفرن على نار متوسطة وحطي فيها الصينيه ساعة تقريبا
طلعيها من لفرن وشيلي من عليها ورق الألومونيوم ودخليها
الفرن تانى وسيبيها لحد ما تحمر لونها هتكون زى الصورة كده
طلعيها وقدميها مع رز ابيض ةملوخيه ممكن تعمليها من المرقه
بتاعت البطه بتكون هايله
بالف هنا
No comments:
Post a Comment